Տոնդ շնորհավո’ր, ով մարդ` տղա մարդ

 Արական սեռի ներկայացուցի՞չ ես, տղամա՞րդ ես, հաստա՞տ: Ուրեմն, շնորհավորում եմ տղամարդկանց միջազգային  օրվա  կապակցությամբ:

Էլ մի հոնքերդ կիտիր. շրջազգեստ հագնու՞մ եք, հագնում եք, շպարվու՞մ եք, շպարվում եք, մազերներդ երկարացնու՞մ եք, երկարացնում եք, եղածներն էլ համապատասխան միջոցներով վերացնու՞մ եք, վերացնում եք ու ման գալիս:

Տղամա՞րդ ես, ուժեղ ես բնության շնորհի՞վ, բա այդ ճիվաղ ձեռքդ ինչու՞  ես վեր բարձրացնում ու վար իջեցնում. ու՞մ ինչ ես ուզում ապացուցել:

Տղամա՞րդ ես, իրո՞ք…բա որ փողոցում, ընկերական շրջապատում, անգամ երգիծական հաղորդումներում երբ ներկա ես լինում ու ծաղրում եք կանանց, աղջիկներին, անբարո ելույթներ ունենում, ինչու՞ ես բերանդ բացում ու հռհռում. Ինչ է մայր, քույր չունե՞ս, թե «ձերն ուրիշ է»:Տղամա՞րդ ես, իսկ ինչո՞ւ ես քեզ երևակայում, ամենակարողի տեղ դնում: Ու մի’ ասա, որ քեզ ամեն ինչ կարելի է: Դու մարդ ես ու տղա, նա էլ մարդ է ու աղջիկ: Հետևաբար, երկուսդ էլ մարդիկ եք`  հավասար իրավունքներով:

Մա՞րդ ես, տղա՞  ես, նոր կոստյում, վերնաշապիկ ես հագել, կնոջ պես մի շորորա, թե այ, այ շորիկս տեսեք: Առանց այդ էլ ակներև է, թե չէ հո սիրուն աչքերովդ չէին հիանալու: Ձեր սեռի ներկայացուցիչներից մեկը կար` հագել էր կոստյում, իրեն երևակայում էր, իբր ինքը կլորիկ չէր, անունն էլ Լորիկ չէր:

Տղամա՞րդ ես, իսկ ինչո՞ւ ես մռթմռթում ու փնթփնթում:

Ի վերջո, ո՞վ ես, ի՞նչ ես դու: Իմացի’ր այս հոգեբանական թեստը լրացնելուց հետո: Եթե նշված կետերից ոչ մեկը քեզ բնորոշ չէ, ունես մեկ միավոր, համապատասխանում է` ունես տասը միավոր: Եթե դրական  պատասխանը գերազանցում է հինգը, ուրեմն կասկածելու տեղիք եք տալիս. Դժվար է ասել կին եք, տղամարդ, թե այլ բան: Իսկ, եթե երեք դրական պատասխան ունեք, ապա մի’ տխրեք,մի քանի տարի բուժում և դուք լիովին առողջ եք: