2022 թվականի մայիսի 25-ին, Երևանի ժամանակով ժամը 22.35-ին, Ամերիկայի Միացյալ Նահանգների Կանավերըլ հրվանդանում գտնվող տիեզերակայանից SpaceX ընկերության տիեզերանավով Երկիր մոլորակի ուղեծիր է դուրս բերվել Հայաստանի Հանրապետության առաջին տիեզերական արբանյակը: Սա տեղի է ունեցել հայկական պետական «Գեոկոսմոս» ՓԲԸ-ի և իսպանական «Սանտլանտիս» ընկերության համագործակցության արդյունքում:
Հայաստանի առաջին արբանյակը կոչվում է ArmSat-1 (կամ ամբողջականը՝ Urdaneta-Armsat-1)։
Արբանյակն ամբողջությամբ պատրաստվել է Satlantis Microstats իսպանական (բասկյան) ընկերության կողմից և (կարծես թե) ձեռք բերվել Հայաստանի Հանրապետության կողմից:
Արբանյակը կշռում է 16 կիլոգրամ, ունի 20 սանտիմետր լայնություն և 40 սանտիմետր բարձրություն։ Այն զինված է iSIM-90 տեսախցիկով և դիտակով՝ բարձր որակի լուսանկարներ ստանալու համար։
ArmSat-ը տեղակայված է լինելու 500-550 կիլոմետր բարձրություններում և Երկրի շուրջ մեկ պտույտը կատարելու է 95 րոպեում:
