Մի փոքր՝ «Պի» թվի օրվա մասին

Գիտե՞ս որ «Պի թվի օրը որոշ որոշ մաթեմատիկոսներ տոնում են մարտի 14-ին՝ Ալբերտ Էյնշտեյնի ծննդյան օրը: 13:59 (ըստ ամերիկյան ժամանակի թվագրության 3/14, վերցված են  թվի առաջին երեք նիշերը  = 3,14159): Տարաձայնություններ կան՝ ցերեկվա (13:59), թե գիշերվա (1:59) ժամն է, բայց տոնում են գիշերը:

Տոնակատարության ժամանակ ձոն են կարդում  թվին, պատմում մարդկության կյանքում նրա դերի մասին, նկարագրում թե կյանքը ինչքան անտանելի կլիներ առանց  թվի: Այդ օրը ուտում են կարկանդակ (անգլ..՝ pie =  ), օգտագործում են խմիչքներ և խաղում խաղեր՝ բոլորը  տառով սկսվող:

Ալբերտ Էյնշտեյնը ծնվել է 1879թ. մարտի 14-ին՝  գերմանական Ուլմ  քաղաքում՝ ոչ հարուստ հրեա ընտանիքում։ Հայրը՝ Գերման Էյնշտեյնը  մի փոքր ընկերության համասեփականատերն էր, որն զբաղվում էր ներքնակների և փետրաներքնակների համար փետրավոր խցկոնքի արտադրությամբ։ Մայրը՝ Պաուլինա Այնշտայնը սերում էր եգիպտացորենի   առևտրով զբաղվող Յուլիուս Դերցբախերի  և Յետա Բերնխայմերի հարուստ ընտանիքից։ 1880թ. ամռանն ընտանիքը հաստատվեց Մյունխենում, որտեղ Գերման Էյնշտեյնը եղբոր՝ Յակոբի հետ, հիմնեց մի փոքր ընկերություն, որն զբաղվում էր էլեկտրական սարքավորումների առևտրով։  Ալբերտ Էյնշտեյնը նախնական կրթությունն ստացել է տեղի կաթոլիկ դպրոցում։

Մանուկ հասակում նրա վրա խորը տպավորություն են թողել կողմնացույցը,
  Էվկլիդեսի «Սկզբունքներ»-ը և Կանտի 
  «Զուտ բանականության քննադատություն»-ը։ 
 Բացի այդ, մոր նախաձեռնությամբ, 6 տարեկանից սկսել է ջութակ նվագել։ 
 1934թ. գտնվելով ԱՄն-ում՝  Փրինստոնում, նա բարեգործական համերգ 
 է տալիս՝  կատարելով   Մոցարտի ստեղծագործությունները՝  նացիստական 
 Գերմանիայից  արտագաղթած գիտնականների և արվեստագետների համար։ 

Գիմնազիայում նա  գիտելիքներով չի փայլել (բացառություն էին մաթեմատիկան  և լատիներենը)։ 1895թ.աշնանը Ալբերտ Այնշտայնը մեկնեց Շվեյցարիա՝ Ցյուրիխի Տեխնիկական բարձրագույն դպրոցի  ընդունելության քննությունները հանձնելու և ֆիզիկայի ուսուցիչ դառնալու համար։ Մաթեմատիկայի քննությանն իրեն հրաշալիորեն դրսևորելով՝ նա միևնույն ժամանակ տապալեց բուսաբանության  և ֆրանսերենի քննությունները, որն էլ խոչընդոտեց նրան ընդունվել Բարձրագույն դպրոց։ Սակայն դպրոցի տնօրենը նրան խորհուրդ տվեց դիմել Արաուի (Շվեյցարիա) դպրոցի ավարտական դասարան, որպեսզի վկայական ստանա և կրկին փորձի։

Արաուի կանտոնական դպրոցում Ալբերտ Այնշտայնն իր ազատ ժամանակը նվիրեց  Ջ. Մաքսվելի  էլեկտրամագնիսական դաշտի տեսության  ուսումնասիրությանը։ 1896թ. սեպտեմբերին  նա հաջողությամբ հանձնեց դպրոցի բոլոր ավարատական քննությունները, բացի ֆրանսերենից և վկայական ստացավ, իսկ նույն թվականի հոկտեմբերին  ընդունվեց Տեխնիկական դպրոց՝ մանկավարժական ֆակուլտետ։