Նիգերիայի Ուբանգե գյուղում կանայք ու տղամարդիկ խոսում են տարբեր լեզուներով: Առաջին հերթին երեխաները սովորում են մոր լեզուն: 10 տարեկանից սկսած տղաները նոր սկսում են խոսել տղամարդկանց լեզվով: Իսկ, եթե կանայք խոսեն տղամարդկանց լեզվով, կամ հակառակը, ապա նրանց պարզապես կկոչեն աննորմալ:
8/17/2018
Ո՞վ է ամենաերկար հարցազրույց տված երգիչը, որո՞նք են ամենափոքր կամ թանկ ինտերնետ էջերը
Համացանցը լի է անակնկալներով: Ամեն պահի կարող ենք հանդիպել անհավանական գաղափարներով կայքերի:
Գիտե՞ք, որ ամենափոքր ինտերնետ էջերը գտնվում են www.guimp.com-ում:
100-ից 30 թանկ դոմենները գնել են 2006 թվականին: Օրինակ՝ diamond.com-ը վաճառվել է 7.5 միլիոն դոլարով, vodka.com-ը՝ 3 միլիոն դոլարով:
ԴԵռևս 1999 թվականին 7.5 միլիոնով գնել են business.com-ը:
Պարզվում է՝ ամենաերկար անվանում ունեցող դոմեն էլ կա.այն www.llanfairpwllgwyngyllgogerychwyrndrobwyll-llantysiliogogogoch.com-ն է:
Մինչ օրս բացված ամենամեծ ինտերնետ-սրճարանը գտնվում է Նյու Յորքում: Այնտեղ կա 628 համակարգիչ: Բացումը տեղի է ունեցել 2000 թվականի նոյեմբերի 8-ին:
Ամենամեծ տուգանքը կազմել է 107.7 միլիոն դոլար: Ամերիկացի մի խումբ մարդիկ պատժվել են կայքում աբորտ անող բժիշկների լուսանկարներ հրապարակելու ու վերնագրում «փնտրվում» է գրելու համար:
Համացանցային ամենաերկար հարցազրույցը պատկանում է անգլիացի ռոք երգիչ Փոլ Մաքքարտնիին: 1997 թվականին «Flaming Pie» ալբոմի շնորհանդեսի ժամանակ ուղիղ եթերում ստացել է 3 միլիոն հարց, սակայն պատասխանել է 200-ին:
Տիգրանակերտում հայտնաբերել է մեծ եկեղեցու քիվի ատամ՝ «Բ» երկաթագրի փորագրությամբ
Արցախի Տիգրանակերտում պեղումներ իրականացնելու ընթացքում հայտնաբերել է մեծ եկեղեցու քիվի ատամ «Բ» երկաթագրի փորագրությամբ։«Եվս մի կարևոր գյուտ Տիգրանակերտի 2018 թ. պեղումներից։ Մեծ եկեղեցու քիվի ատամ «Բ» երկաթագրի փորագրությամբ։ Եթե նկատի առնենք, որ եկեղեցին կառուցվել է 5-րդ դարի վերջերին, այն հայերեն արձանագրի ամենավաղ վկայություններից է Արցախում։ Հավանական է, որ այն եկեղեցու ճարտարպետի անվան սկզբնատառն է»,- ֆեյսբուքյան էջում գրել է Տիգրանակերտի արշավախմբի ղեկավար Համլետ Պետրոսյանը։
8/04/2018
Ռուսաստանի ԱԳՆ-ն աշխատանքի է ընդունել դերասան Սթիվեն Սիգալին
Ամերիկացի դերասան Սթիվեն Սիգալը ՌԴ ԱԳՆ-ում դարձել է ռուս-ամերիկյան հարաբերությունները կարգավորող հատուկ ներկայացուցիչ:
Նա պետք է այս երկու երկրների կապերն ամրապնդի մշակութային, հասարակական և այլ ոլորտներում,-հաղորդում է lenta.ru-ն:
Նշվում է, որ այս աշխատանքի համար դերասանը չի վարձատրվելու:
Հիշեցնենք, որ 2016թվականին Վլադիմիր Պուտինը Ռուսաստանի քաղաքացիություն է շնորհել ամերիկացի դերասանին:
Սիգալը հայտնի է Պուտինի հետ մերձավոր կապերով:
Ավելի վաղ ամերիկյան կայքերից մեկը հաղորդել էր, որ 2013թ.-ին Հյուսիսային Իռլանդիայում անցկացված Մեծ ութնյակի գագաթնաժողովի ժամանակ Պուտինը Բարաք Օբամային առաջարկել է Սիգալին նշանակել Ռուսաստանի պատվավոր հյուպատոս Կալիֆորնիայում, ինչպես նաև միջնորդ՝ Կրեմլի ու Սպիտակ տան հարաբերություններում:
Լիբանանում սիրիացի փոքրիկները ստիպված աշխատում են փողոցներում, արհեստանոցներում ու քարհանքերում
Բրիտանական Daily Mail պարբերականը ֆոտոշարքի միջոցով պատմել է Լիբանանում ապաստանած սիրիացի փոքրիկ փախստականների մասին, որոնք ստիպված են աշխատել՝ իրենց ընտանիքներին սննդով ու կացարանով ապահովելու համար:
Պարբերականի փոխանցմամբ՝ Լիբանանի փողոցներում, արհեստանոցներում ու քարհանքերում աշխատում է առնվազն 180.000 երեխա, մեծ մասը՝ սիրիացի:
«Սիրիացի փախստականները, որոնց հետ մենք զրուցել ենք, ասում են, որ չեն ցանկանում իրենց երեխաներին նման աշխատանքի ուղարկել, բայց շատերի համար սա օրվա սնունդ հայթայթելու ու տանիքի համար վճարելու միակ միջոցն է»,-ասել է Փրկարարներիր միջազգային կոմիտեի ներկայացուցիչը:
Անհավանական և տխուր պատկեր.Գիտնականներն ահազանգում են
Գիտնականներն ահազանգում են.Աֆրիկայում վերջին 12 տարիների ընթացքում անհասկանալի պատճառներով հսկա բաոբաբներ են ոչնչանում: Շատերի դիտարկմամբ՝ պատճառը կարող է կլիմայի փոփոխությունը լինել, բայց սա ապացուցման կամ հերքման կարիք ունի:
Բաոբաբը (լատիներեն՝ Adansonia digitata), փիփերթազգիների ընտանիքի ծառատեսակ է, որը հիմնականում տարածված է Աֆրիկայի չոր արևադարձային սավաննաններում։ Ծառը չի այրվում, որովհետև նրա բնափայտը հագեցած է ջրով: Բաոբաբի կյանքի տևողությունը վեճերի առարկա է, քանի որ այն չունի ծառերին հատուկ տարեկան օղակներ:
2005-2017թթ. 60 ծառերի ուսումնասիրությունները ցույց են տվել, որ բոլոր ծեր բաոբաբները ոչնչացել են: Եղել են 1100-2500 տարեկան: Բոլորը եղել են Աֆրիկայի հարավային մասերում: Դրանց թվում է եղել Զիմբաբվեում գտնվող «Պանկե»-ն, որն ունեցել է 25.5մ բարձրություն, եղել է 2429 տարեկան:
-Նրանք պարզապես անսպասելի ընկնում են: Կարծում ենք՝ պատճառը բարձր ջերմաստիճանն է: Սա անհավանական և տխուր պատկեր է,-ասում է գիտնականներից մեկը,-հաղորդում է BBC-ն:
Ինչպե՞ս պատրաստել սոխով կոտլետ՝ առանց հոտի ու զարմացնել հյուրերին
Գաղտնիք չէ, որ կոտլետների մեծ մասի պատրաստման բաղադրիչներից է համարվում միսը, սակայն խոհարարները որոշել են կոտրել այս կարծատիպն ու սոխով կոտլետ պատրաստել:
Բաղադրությունը հետևյալն է.
2 գլուխ սոխ, 1 կարտոֆիլ, 3 ճաշի գդալ մաննի կաշա, ձեթ, տոմատ՝ 1 ճաշի գդալ, աղ:
Սոխը մանր կտրատեք, կամ անցկացրեք բլենդերով, մանրացրեք, քերիչով անցկացրեք նաև կարտոֆիլը, խառնեք սոխին, ավելացրեք մաննի կաշան և թողեք հանգստանա 10-15 րոպե: Այս ընթացքում միացրեք գազօջախը, թավայում մի քիչ ձեթ ավելացրեք, ապա պատրաստած զանգվածին տվեք կոտլետի տեսք, դրեք թավայում և ավեալցրեք տոմատ: Ցածր կրակի վրա եփեք մոտ կես ժամ: Արդյունքը կզարմացնի ձեզ, իսկ հյուրերն այդպես էլ չեն հասկանա, թե ի՞նչ կոտլետ էր:
Բարի ախորժակ:
Օգտվե՞լ ականջ մաքրելու փայտիկներից, թե՝ ոչ
Ականջ մաքրելու փայտիկներից շատերն են օգտվում: Սակայն, բժիշկների խոսքով՝ դա այնքան էլ լավ գաղափար չէ: Պարզվում է՝ ականջը բամբակյա փայտիկներով մաքրելու դեպքում, որի ժամանակ ականջածծումբն ուղղակիավելի խորն է գնում: Փայտիկը կարող է վնասել ականջը, առաջացնել մի շարք բարդություններ, ինչպիսիք են լսողության կորուստը կամ թմբկաթաղանթի վնասումը:
«Ծծմբային խցանը կեղտ չէ, դա ականջի արտաքին լսողական անցուղու մաշկի արտադրած նյութն է»,-ասում են մասնագետներն ու հորդրում որ պետք չէ հեռացնել ակաջածծումբը, քանի որ ժամանակի ընթացքում այն չորանում է և դուրս գալիս ականջից՝ ծնոտի ամեն մի շարժման հետ: Այսպիսով, ականջը կարողանում է ինքնամաքրվել։
Ի՞նչ անել՝ 100 տարի ապրելու համար
Կան երկրներ, որտեղ ապրող մարդիկ առանձնանում են իրենց երկարակեցությամբ: Դրանցից են՝ Իկարիան(Հունաստանին պատկանող կղզի), Սարդինիան (կղզի Միջերկրական ծովում Ապենինյան թերակղզուց հարավ: Մտնում է Իտալիայի կազմի մեջ և ունի ինքնավար մարզի կարգավիճակ), Օկինավան (Ճապոնական Ռյուկյու արշիպելագի ամենամեծ կղզին),Նիկոյան (քաղաք Կոստա Ռիկայում), Լոմա Լինդան(քաղաք ԱՄՆ-ում),-հայտնում է BBC-ն:
Պարզվում է՝ նշված վայրերում մարդիկ առողջ ապրելակերպ են վարում: Շատ դպրոցներ վաղ են բացվում, որպեսզի երեխաները նախքան դասերը խաղան, իսկ փողոցները կառուցվում են այնպես, որպեսզի շատ լինեն մայթերը: Հեծանվորդների համար էլ հատուկ ճանապարհներ են կառուցում:
Կազմակերպությունները մեծ ուշադրություն են դարձնում առողջ ապրելակերպ վարող իրենց աշխատակիցներին, երբեմն ավելի շատ են վճարում:
Խանութներն ավելի շատ օրգանիկ սնունդ են առաջարկում, իսկ ռեստորանները փոխում են ճաշացանկը՝ հօգուտ քաղաքացիների:
Այսինքն՝ մարդիկ առանց ավելորդ ջանքերի վարում են առողջ ապրելակերպ:
ՀՀ-ում նույնպես կհրաժարվեն պլաստիկից
«Հայաստանում Բնապահպանության նախարարության նախաձեռնությամբ մեկանգամյա օգտագործման պլաստիկի արգելման գործընթաց կսկսվի, որը կմեկնարկի մեկ համայնքից, բնակիչներին կբաժանեն կտորից տոպրակներ»,-հուլիսի 10-ին Կառավարության նիստից հետո լրագրողների հետ զրույցում տեղեկացրել է նախարար Էրիկ Գրիգորյանը, նշյալ գործընթացը կմեկնարկի մեկ համայնքից, այնուհետև կտարածվի մարզերի մակարդակով:
Նախարարի փոխանցմամբ՝ ծրագրի իրականացման համար համապատասխան ֆինանսավորում ստացել են միջազգային կազմակերպություններից, ուստի բյուջեից ոչ մի դրամ չեն ծախսելու:
Նշենք, որ Մոլդովայում 2021 թվականի հունվարի 1-ից կարգելվի պլաստիկե ամանների օգտագործումը: Օրենքին չենթարկվողների համար կսահմանվեն տուգանքներ: Հեղինակները Լիբերալ, ազգայնական և անկախ պատգամավորներն են: Նրանք առաջարկում են օգտվել մեկանգամյա օգտագործման այն ամաններից, որոնք պատրաստված են թղթից, եգիպտացորենի ալյուրից, շաքարից և այլն: Օրենքի որոշ կետեր կգործեն 2019թ. հունվարի 1-ից:
Հիշեցնենք, որ նման նախաձեռնությամբ հանդես է եկել Եվրամիությունը: Ավելին, ավստրալիական երկու նահանգում սույն թվականի հուլիսի 1-ից արգելվել է պոլիէթիլենային տոպրակների գործածումը: ՄԱԿ-ի տվյալներով ամեն րոպե աշխարհում սպառվում է 10 միլիոն տոպրակ: Որոշումը չկատարելու դեպքում նախատեսվում է տոգանք՝ 4,6 հազար դոլարի չափով: Բելգիայում նույնպես արգելված է պոլիէթիլենային տոպրակների օգտագործումը:
ՄԱԿ տվյալներով ամեն տարի Խաղաղ օվկիանոսից 8 միլիոն տոննա պլաստիկ են դուրս բերում: Էկոլոգների խոսքով 2050 թվկանին պլաստիկը օվկիանոսներում ձկներից շատ կլինի:The New York Times-ի փոխանցմամբ ավելի քան 40 երկիր՝ ներառյալ Չինաստանը, Իտալիան ու Ֆրանսիան մասամբ կամ ամբողջովին արգելել են պոլիէթիլենային տոպրակների, պլաստիկե ամանների գործածումը:
Եթե հիվանդությունն անբուժելի էր, ապա հիվանդներն անմիջապես մահանում էին.Նորավանքի ձորում գտնվող մատուռի պատմությունը
Հանրահայտ Նորավանքի ձորում գտնվող այս փոքր եկեղեցին կամ մատուռը ավելի հին է քան Նորավանքը։ Այն Ս. Փոկասի անունն է կրում և հնում շատ հռչակված էր, որի մասին գրում է 13-րդ դարի պատմիչ Ստեփանոս Օրբելյանը։ Նա նշում է, որ մատուռի բեմի տակից ջուր էր բխում, իր հետ բերելով բուժիչ ձեթ, և որ այդ ջրով լվացվողներն ու յուղով օծվողները բուժվում էին բոլոր ցավերից ու վերքերից, սակայն նաև ավելացնում է, որ եթե հիվանդությունն անբուժելի էր, ապա հիվանդներն անմիջապես մահանում էին։ Ինչևէ, մատուռը կա նաև այսօր և ջուրն էլ դուրս է գալիս խորանի տակից։
Լուսանկարը Տիգրան Մկրտչյանի
Подписаться на:
Сообщения (Atom)