Բնությունն ամենաստեղծագործ վարպետն է. Այն օժտված է նաև «հումորի» զգացումով

Խառնարան՝ ի պատիվ հայ մեծանուն աշուղի

Գիտե՞ս որ Մերկուրիի խառնարաններից մեկն անվանվել է հայ մեծանուն բանաստեղծ-աշուղ Սայաթ-Նովայի պատվին: Սայաթ-Նովա խառնարանը գտնվում է Մերկուրի մոլորակի 27,5° հարավային լայնության և 122,5° արևմտյան երկայնության վրա։ Տրամագիծը կազմում է 158 կմ։

Ի՞նչն էր ամենից շատ զարմացնում Դալայ Լամային

Մեկ անգամ Դալայ Լամային հարցրեցին, թե ինչն է նրան ամենից շատ զարմացնում:- Մարդը,-պատասխանեց նա: Սկզբում նա զոհաբերում է իր առողջությունը, որպեսզի փող աշխատի:

Վիկտոր Համբարձումյանի անվան միջազգային մրցանակի հաղթողները հայտնի են

Վիկտոր Համբարձումյանի անվան միջազգային մրցանակը շնորհվել է Ֆելիքս Ահարոնյանին և համատեղությամբ Իգոր Կարաչենցևին և Բրենթ Թալիին: Այսօր ԳԱԱ-ում տեղի ունեցած ասուլիսի ժամանակ տեղեկացրեցին ՀՀ ԳԱԱ նախագահ Ռադիկ Մարտիրոսյանը և հանձանժողովի գիտական քարտուղար Արեգ Միքայելյանը:

Դա մեր տեղն է և անպայման զբաղեցնելու ենք.Տոլմայի փառատոնն ու նոր բաղադրատոմսերը

Երեկ Սարդարապատում «Ոսկե Ծիրան-2014» երևանյան միջազգային կինոփառատոնի շրջանակներում անցկացվեց «Ուդուլի» տոլմայի համահայկական, արդեն ավանդույթ դարձած հերթական՝ 4-րդ փառատոնը: Այն կրում էր «Տոլման Հայկական լեռնաշխարհում» խորագիրը: Նպատակն է՝  տարածել և մասսայականացնել տոլման, մոռացությունից վեր հանել նրա բազում տարատեսակներ, հանրությանը ներկայացնել դրա պատրաստման եղանակները, և, իհարկե, հայկական այս կերակրատեսակը զերծ պահել թուրքացումից:

ԱԺ պատգամավորը՝ Տոլմայի փառատոնի ժյուրիի անդամ

«Հայ խոհարարական ավանդույթների զարգացման եւ պահպանման» ՀԿ-ն Սարդարապատի հերոսամարտի հուշահամալիրի տարածքում «Ոսկե ծիրան» կինոփառատոնի շրջանակներում կազմակերպում է «Ուդուլի» տոլմայի փառատոնը: Արդեն 4-րդ անգամ անցկացվող այս փառատոնը կրում է «Տոլման Հայկական լեռնաշխարհում» խորագիրը: «Ուդուլի» նշանակում է խաղողի վազ, տոլման՝ խաղողածին»,-այսօր՝ լրագրողների հետ հանդիպման ժամանակ ասաց «Հայ խոհարարական ավանդույթների զարգացման եւ պահպանման» ՀԿ-ի նախագահ Սեդրակ Մամուլյանը՝ նշելով, որ փառատոնը նպատակ ունի տարածել և մասսայականացնել տոլման, մոռացությունից վեր հանել նրա բազում տարատեսակներ, հանրությանը ներկայացնել դրա պատրաստման եղանակները, և, իհարկե, հայկական այս կերակրատեսակը զերծ պահել թուրքացումից:

ԱԱ-2014-ի նախորդ հանդիպումները՝ հումորային մուլտֆիլմի տեսքով

JustCartoons-ը Աշխարհի առաջնության եզրափակչից առաջ ամփոփել է նախորդ հանդիպումները՝ դրանց տալով  հումորային մուլտֆիլմի տեսք:

Բառերի ուժը.հուզիչ տեսանյութ

Հայերեն ամենափոքր և ամենամեծ ձեռագրերը

Գիտե՞ս որ հայերեն ամենափոքր ձեռագիրը՝ Տոնացույցը,  19 գրամ է և բաղկացած 104 թերթից: Այն գրվել է Կաֆայում (Թեոդոսիա): Տարվա տոնակարգը ցույց տվող գիրք է հայ եկեղեցում։ Հետագայում տոնացույց են ներառել նաև յուրաքանչյուր տոնին պատշաճ ծիսակարգերը։ Սիմեոն Երևանցի կաթողիկոսը 1774-ին տոնացույցի երկրորդ հատորում ամփոփել է յուրաքանչյուր տարվա համապատասխան փոփոխությունները, որոնց հիման վրա սկսել են ամենամյա օրացույցներ հրատարակվել Էջմիածնում, Կոստանդնուպոլսում և Երուսաղեմում։

Իսկ ամենամեծ ձեռագիրը՝ «Մշո ճառընտիր»-ը  կամ «Տօնական»-ը, 28 կգ է` 601 մագաղաթյա թերթից: Գրվել և ծաղկվել է 1200 - 1202թթ.-ին՝ Երզնկայի Ավագ վանքում, Բաբերդի տանուտեր Աստվածատուրի պատվերով։ Գրիչ՝ Վարդան Կարնեցի, ծաղկող՝ Ստեփանոս: Ձեռագիրն այժմ ունի 601 մագաղաթյա թերթ (55, 3X70, 5 սմ), յուրաքանչյուրը պատրաստված է մի երնջի կամ արջառի կաշվից։ Բաժանված է երկու մասի, կազմ չունի, քաշը 28 կգ է։ Ձեռագիրը ճառերի, վարքերի, վկայաբանությունների, պատմական քաղվածքների և ներբողների ժողովածու է, որոնք դասավորված են ըստ տարվա տոների, որից էլ՝ ժողովածուի «Տօնական» անունը։ Ձեռագիրը ճոխ զարդարված է լուսանցազարդերով, գլխազարդերով և զարդագրերով։ Պահպանվել են տերունական երկու նկարներ, մի էջում «Ծնունդը»՝ կից նկարներով և մի այլ թերթի 1/3-ում՝ «Մուտքը»։ Վառ և ինքնատիպ են գլխազարդերը, որոնք շքեղ գորգեր են հիշեցնում. երկրաչափական, բուսական և կենդանական մոտիվներով լուսանցազարդերը զարդարում են ամեն մի միավորի սկիզբ։

Ձեռագիրը սկզբում ունեցել է 660 թերթ, 17 թերթ պահվում է Վենետիկում, 1 թերթ՝ Վիեննայում, իսկ 1977-ին Երևանի Մեսրոպ Մաշտոցի անվան Մատենադարանը Մոսկվայի Լենինի անվան գրադարանից ստացել է 2 թերթ, որոնք անջատվել էին 1918-ին։

«Մշո ճառընտիրը» 1202-ին հափշտակվում է Բաբերդի այլազգի դատավորի կողմից, 2 տարի թաքցնելուց հետո Խլաթում, 1204-ին վաճառում է Մշո Առաքելոց վանքին՝ 4000 արծաթե դրամով, որը հավաքվել է շրջակայքի բնակիչների և վանքի միաբանների միջոցներով։ Մինչև 1915թ.-ը ձեռագիրը գտնվում էր այդտեղ, Մեծ եղեռնի օրերին ձեռագրի երկու մասերը տարբեր ուղիներով հասել են Թիֆլիսի Հայոց ազգագրական ընկերություն, ապա՝ Երևան։ Այժմ պահվում է Երևանի Մեսրոպ Մաշտոցի անվան Մատենադարանում։

Մատուռ և գերեզմանոց՝ Օպերայի և բալետի ազգային ակադեմիական թատրոնի շենքի տեղում

Գիտե՞ս որ Ալ. Սպենդիարյանի անվան օպերայի և բալետի ազգային ակադեմիական թատրոնի շենքի տեղում նախկինում եղել է մատուռ և գերեզմանոց.Գեթսեմանի մատուռը: Մատուռի շուրջն է եղել հին Երևանի գերեզմանոցը՝ օրորոցաձև և տապանաձև բազմաթիվ գերեզմանաքարերով։ Ենթադրվում է, որ մատուռի տեղում նախապես եղել է փոքրաչափ, Կաթողիկե (Սուրբ Աստվածածին) եկեղեցու նմանությամբ, 11-13-րդ դարերի կառուցված մի գմբեթավոր եկեղեցի։  1679 թվակյանի երկրաշարժից հետո, այդ տեղում, նույն դարի վերջին, կառուցվում է մատուռը։ Այն քանդվել է Օպերայի և բալետի ազգային ակադեմիական թատրոնի՝ այն ժամանակ Ժողովրդական տան կառուցման նպատակով։ Ալեքսանդր Թամանյանը որոշել էր Մատուռը այլ տեղում վերակառուցել, որը սակայն չի իրականացել, քարերի կորստի պատճառով։

Որքա՞ն պղպջակներ կան շամպայնի մեկ շշի մեջ

Գիտե՞ս, որ իսկական ֆրանսիական շամպայնի մեկ շշի մեջ մոտավորապես 49 միլիոն պղպջակներ կան:

Շամպայնը դա խաղողի փրփրուն գինին է։ Հերմետիկ փակ անոթներում երկրորդային խմորման միջոցով գինին հագեցվում է ածխաթթու գազով։ Մշակվում է խաղողի հատուկ տեսակներից։ Շամպայն է կոչվում Ֆրանսիայի Շամպայն նահանգի անունով, որտեղ առաջին անգամ մշակվել է XVII դարի վերջին։ Երկրորդային խմորմամբ ածխաթթու գազով հագեցման պրոցեսը կոչվում է շամպայնացում, որը կատարվում է շշերում (դասական եղանակ, երբ շամպայնացումը կատարվում է 0․8 լիտր տարողությամբ հերմետիկ փակված շշերում, հնացվում է 3 տարի) կամ պահամաններում (ընդհատ և անընդհատ)։ Ըստ շաքարի պարունակության տարբերում են բրյուտ (մինչև 0, 3%), ամենաանապակ (0, 8%), անապակ (3%), կիսաանապակ (5%), կիսաքաղցր (8%), քաղցր (10%) տեսակները։

Այս ամսվա լավագույն նկարները

«Ասա աաաաա»

«Թիկնապահը»

Հայրը, ով երազում եր երկու տղա երեխա ունենալու մասին:

Դժոխքի դարպասները.Թուրքմենստան:

Գերմանիայում՝ ֆուտբոլ դիտելիս:

Երջանկություն:

Ընկերություն:

Ջրային աշխարհ:

Ֆուտբոլը սահմաններ չի ճանաչում:

ճապոնիայի ֆուտբոլի հավաքականնի երկրպագուները խաղի ավարտից հետո մաքրում են տարածքը:

Այ, թե սանդուղք է...

Առյուծ,անձրև.Տանզանիա...

Դիպուկահարը...

Ի՞նչը օգնության հասավ Ռաբլեին՝ Լիոնից Փարիզ գնալու համար

Մեկ անգամ ֆրանսիացի գրող Ֆրանսուա Ռաբլեն Լիոնից Փարիզ գնալու համար անհրաժեշտ գումար չի ունենում: Ինչպես բոլոր անելանելի պահերին, այնպես էլ այս՝ օգնության է գալիս մի հնար գտնելու միտքը: Եվ այն գտնվում է...

Գրողը 3 փոքրիկ ծրարներ է պատրաստում, որոնցից յուրաքանչյուրի  վրա գրված է լինում.  «Թույն թագավորի համար»,  «Թույն թագուհու համար»,  «Թույն թագաժառանգի համար»: Սրանք թողնում է հյուրանոցում՝ տեսանելի վայրում: Հյուրանոցի տերը այս ամենի մասին տեղեկացնում է թագավորական ընտանիքին: Ռաբլեին գտնում և տանում են Ֆրանսիս I թագավորի մոտ, ով էլ կորոշեր նրա ճակատագիրը:

Պարզվում է, որ ծրարում շաքար է եղել, որն էլ մեկ բաժակ ջրով խմում է Ռաբլեն՝ այսպիսով լուծելով  իր խնդիրը:

Նշենք, որ Ֆրանսուա Ռաբլեն (ֆր.՝ François Rabelais; 1494, Շինոն - 1553թ. ապրիլի 9, Փարիզ), Վերածննդի դարաշրջանի ֆրանսիացի գրող, եվրոպական մեծագույն հումանիստ-երգիծաբաններից մեկն է, «Գարգանտյուան և Պանտագրյուելը» (ֆր.՝ La vie très horrifique du grand Gargantua, père de Pantagruel, hh 1-5, 1533-1564) վեպի հեղինակ։ Վեպում, որը անվանվել է ֆրանսիական Վերածննդի դարաշրջանի «հումորի հանրագիտարան», Ռաբլեն անդրադարձել է Ֆրանսիայի կրոնական, հասարակական և քաղաքական կյանքին, քննադատել միջնադարյան մանկավարժությունը և կրթությունը, ծաղրել գիտական միտքը, փիլիսոփայությունը, պետական կառավարումը։ Վեպը որոշ հպանցիկ անդրադարձներ է պարունակում Հայաստանի պատմության մասին՝ Արտավազդ Բ-ի ճակատագրին, Հռոմում Տրդատ թագավորի շքեղ ընդունելությանը և այլն։ Այսպես, Ռաբլեն նշում է Հայոց Արտաշես արքայի անունը՝ գրելով այն ինչպես արտասանվում է հայերեն: