Քննաշրջան

Քննութուն,քննություն: Լավ է, երբ միշտ  քննություն ես տալիս: Դու՛, ընթերցող, որ   նաև  ուսանող ես, մի՛ զարմացիր: Լավ է մեկ առումով. եթե տալիս ես այս քննությունները, հաշվի առ, որ կտաս  կյանքի առաջադրած  ամեն մի  քննություն:  Ինչու՞… Դու էլ հաստատ  քննության ժամանակ  ականատես ես եղել  տարբեր  իրադարձությունների, կամ  հենց ինքդ այդ իրադարձության հերոսն ես: Եթե այդպես է, ուրեմն……..

Դու, օրինակ գիտեի՞ր, որ  դասախոսին կարելի է անգլիական թեյ նվիրել և  հարցերին 0-ի  պատասխանել, բայց  գերազանց ստանալ, կամ  էլ` բոլորի  կյանք  ներխուժած  facebook-ն  ու  одноклассники-ն  ուսանողին կարող են  օգնել: Մտածե՞լ էիր այդ մասին:

Հա, հա, քեզ մի գաղտնիք ասեմ. Գրանցվի՛ր  սոցիալական ցանցում, եթե, իհարկե, գրանցված չես. Փնտրի՛ր դասխոսիդ, դարձի՛ր նրա ընկերը, նրան ուղարկիր տեսագրություն և քննությանդ  օրը  կունենաս բոլոր  հարցերի պատասխանները: Ինչ տոմս էլ, որ  քաշես` կխոսես երեկ  քո ուղարկած  տեսագրության  մասին  ու տոմսդ  կազմված կլինի հետևյալ  հարցերից.

1.facebook-ն  ու ես,

2.одноклассники-ի  ազդեցությունն իմ  զարգացման վրա,

3.facebook-ի  և  одноклассники-ի  նմանություններն ու տարբերությունները:

Ու այս հարցերը  կարող են քեզ  պետք  գալ   նաև  հաջորդ քննությունների  ընթացքում:Կտեսնես`շատ  լավ արդյունք կտա. ապացույցը` դասխոսիդ  տմբտմբացող  գլուխն ու  smile-իկը:

Լավ էր չէ՞,փորձի՛ր, արդյունքը  գոհացուցիչ կլինի:

Հա, բայց  լավ  կլինի, որ  քննությանը  պատրաստ  գնաս  և, իհարկե, սովորես  ոչ  մեկ օրվա  համար:Ոչինչ, որ դասխոսիդ  դուրը  չես գա, որ  նրանից  շատ գիտես. Մի՛  նեղվիր, թող ''ջիգյարով''  ցածր գնահատի, բայց  դու գիտես, որ  հաղթեցիր  նրան, նա էլ գիտի ,որ  պարտվեց: Իսկ դու ուրախացիր, որ  չնմանվեցիր  թեյի  խոտ բերողին, դասխոսին քծնողին, մեկ  օրվա  համար  անգիր  անողին, կաշառքով  ու ծանոթով  սովորողին:Դու կտաս  կյանքի բոլոր  քննությունները, իսկ  նրանք էլի  կկանչեն իրենց նախնիներին……..

Մեղու